"Qarabağ"ın Türkiyə toplanışı çərçivəsində keçirəcəyi ilk yoxlama oyununun saatı açıqlanıb.
Sportnet.az xəbər verir ki, Ağdam təmsilçisinin yanvarın 17-də Antalyada Rusiya "Kuban”ı ilə matçı saatı 18:00-da başlayacaq.
Qeyd edək ki, "Qarabağ” yanvarın 20-də Polşanın "Lexiya" komandası ilə üz-üzə gələcək. Yanvarın 25-də isə iki oyun planlaşdırılıb. Son çempion öncə Makedoniyanın "Şkupi", ardınca Ukraynanın "Mariupol" klubu ilə qarşılaşacaq. Ayın 29-da Bosniya və Hersoqovina təmsilçisi "Sarayevo" ilə qüvvəsini sınayacaq ağdamlılar son oyunlarını fevralın 3-də Monteneqronun "Mladost" komandasına qarşı keçirəcəklər.
Xatırladaq ki, "Qarabağ” fasiləyə "qış çempionu” kimi yollanıb. Ağdam klubu Premyer Liqanın geridə qalan 14 turundan sonra 37 xalla 1-ci pillədə qərarlaşıb və ən yaxın izləyicisi "Qəbələ”ni 6 xal qabaqlayır.
