Fransada işgüzar səfərdə olan Azərbaycan Güləş Federasiyasının (AGF) prezidenti Fazil Məmmədov fransalı həmkarı Alen Bertolonla görüşüb. Federasiyanın mətbuat xidmətindən Sportnet.az-a verilən məlumata görə, Parisdəki Azərbaycan Mədəniyyət Mərkəzində baş tutan görüşdə Bertolon 2015-ci ildə Bakıda keçiriləcək I Avropa Oyunlarına böyük maraq göstərdiklərini bildirib.
O, Oyunların Fransada daha geniş təbliği üçün dekabrda Fransada Azərbaycan güləşçilərinin iştirakı ilə bir yarış təşkil etmək niyyətində olduqlarını bildirib. Təklifi böyük məmnuniyyətlə qəbul edən Məmmədov həmin yarışın hər iki federasiyanın təşkilatçılığı ilə keçirilməsi üçün bütün tədbirlərin görüləcəyini bildirib. Əlavə olaraq, AGF prezidenti Avropa Oyunları ərəfəsində fransalı güləşçilərin ölkəmizdə azərbaycanlı güləşçilərlə birgə təlim-məşq toplantısında iştirakı və beləliklə, onların yerli şəraitə daha tez adaptasiya olunmaları üçün hər cür şərait yaratmağa hazır olduqlarını bildirib.
O, Oyunların Fransada daha geniş təbliği üçün dekabrda Fransada Azərbaycan güləşçilərinin iştirakı ilə bir yarış təşkil etmək niyyətində olduqlarını bildirib. Təklifi böyük məmnuniyyətlə qəbul edən Məmmədov həmin yarışın hər iki federasiyanın təşkilatçılığı ilə keçirilməsi üçün bütün tədbirlərin görüləcəyini bildirib. Əlavə olaraq, AGF prezidenti Avropa Oyunları ərəfəsində fransalı güləşçilərin ölkəmizdə azərbaycanlı güləşçilərlə birgə təlim-məşq toplantısında iştirakı və beləliklə, onların yerli şəraitə daha tez adaptasiya olunmaları üçün hər cür şərait yaratmağa hazır olduqlarını bildirib.
Tərəflər Avropa Oyunlarının birgə təbliği istiqamətində görüləcək işlər barədə də ümumi razılığa gəliblər.
