İtaliya millisinin və "Yuventus” klubunun
əfsanəvi oyunçusu, hazırda Hindistan çempionatının "Dehli Dinamos” klubunda
çıxış edən Alessandro Del Pyero maraqlı aksiya ilə diqqət çəkib.
Noyabrın 9-da 40 illik yubileyini qeyd edən
futbolçu sosial şəbəkələrdəki şəxsi hesabında onu təbrik edən çoxmilyonlu
azarkeşlərinə dünyanın 100 dilində, o cümlədən azərbaycanca "təşəkkür” sözü
yazılan plakatla cavab verib.
2004-cü il Avropa Çempionatının seçmə mərhələsi çərçivəsində 2002-ci il sentyabrın 9-da Bakının Tofiq Bəhramov adına Respublika stadionunda keçirilən Azərabcyan-İtaliya matçında forma geyən Del Pyero oyunun 65-ci dəqiqəsində cərimə zərbəsini dəqiq yerinə yetirərək millimizin qapısına oyundakı yeganə qolu vurub. Ümumilikdə, İtaliya yığmasında karyerası boyunca ulduz futbolçu rəqib qapılarına 27 dəfə yol tapıb (modern.az).
