"2017-ci ildə bizi çətin sınaqlar gözləyir. İlk olaraq Bakıda keçiriləcək IV İslam Həmrəyliyi Oyunlarında uğurla çıxış etməliyik". "Report"un məlumatına görə, bunu jurnalistlərə açıqlamasında 2016-cı il Rio-de-Janeyro Yay Olimpiya Oyunlarında gümüş medal qazanmış sərbəst güləşçi Toğrul Əsgərov jurnalistlərə açıqlamasında deyib.
T. Əsgərov sərbəst güləş üzrə yığma komandadakı məşqçi dəyişikliyindən və evdə keçirilən yarışların məsuliuyyətindən danışıb: "Ümumiyyətlə doğma azarkeşlər, doğma divarlar qarşısında keçirilən yarışlar çox məsuliyyətli və çətindir. İnanıram ki, "Bakı 2015" I Avropa Oyunlarında qazandığımız uğurları İslam Oyunlarında da təkrarlayacağıq. Yığma komandada məşqçi dəyişikliyi olyr. Bu cür proseslər uzun müddətdir müşahidə olunur. Bütün proseslər yığmanın xeyrinədir".
O, cari ildəki uğurlarından da söz açıb: "2016-cı il mənim üçün uğurlu oldu. 2013 və 2014-cü ildə çox çətin idi. Zədələrdən əziyyət çəkirdim. "2016-cı il mənim üçün uğurlu oldu. 2013 və 2014-cü ildə çox çətin idi. Zədələrdən əziyyət çəkirdim”.
Olimpiya mükafatçısı qarşıdan gələn yeni il münasibəti ilə Azərbaycan xalqını təbrik edib: "Qarşıdan 31 dekabr Dünya Azərbaycanlıların Həmrəyliyi Günü və Yeni il gəlir. Bu bayramlar münasibətilə hər bir kəsi, eləcə də idmançıları təbrik edir, onlara uğurlar arzu edirəm".
