Azərbaycanın Gənclər və İdman Nazirliyi ilə Vyetnamın Mədəniyyət, İdman və Turizm Nazirliyi arasında idman sahəsində ikitərəfli əməkdşlığa dair Memorandum imzalanıb. Nazirliyin mətbuat xidmətindən Sportnet.az-a verilən məlumata görə, imzalanma mərasimi Azad Rəhimov və vyetnamlı həmkarı Hoanq Tuan Ahn arasında Qubada baş tutub.
Memoranduma nümayəndə heyətinin, eləcə də idman idarəçiliyi, idman təhsili, idman sahəsində texniki və proqram mübadiləsi daxildir. Milli idman federasiyaları, idman təşkilatları arasında birbaşa əlaqələrin qurulması, dəstəklənməsi və digər tədbirlər də memorandumun əsas istiqamətlərindəndir.
