Tanınmış tennisçi Roje Federer 2020-ci ildə yarışlara qatılmayacaq.
Sportnet.az-ın məlumatına görə, bu barədə 39 yaşlı idmançı "Twitter" səhifəsi vasitəsi ilə açıqlama yayıb. Raketka ustası bir neçə həftə əvvəl sağ dizindən əməliyyat olunduğunu bildirib.
O, ən yüksək səviyyədə çıxış etməyə hazır olmaq üçün lazımi vaxt ayıracağını deyib. Federer vurğulayıb ki, 2021-ci ilin əvvəlində tennisə qayıdışını səbirsizliklə gözləyəcək.
Qeyd edək ki, Roje Federer 2008-ci il Pekin Yay Olimpiya Oyunlarının qalibidir. O, 2012-ci il London olimpiadasında gümüş medal qazanıb. Federer daha öncə Tokio-2020 Yay Olimpiya Oyunlarında iştirak etmək istədiyini bildirib.
