Azərbaycanın yunan-Roma güləşçilərindən ibarət yığma komandası İranın Şiraz şəhərində keçirilən böyüklər arasında Dünya Kubokunda iştirakını başa vurub. Sportnet.az-ın məlumatına görə, böyük məşqçisi Şaban Donat və məşqçi Turac Hüseynlinin rəhbərliyi altında çıxış edən yığma 6-cı yerlə kifayətlənib.
B qrupunun ilk görüşündə Türkiyəyə 3:5 hesabı ilə məğlub olan yığma komanda ardınca ev sahibi İranla da bacarmayıb - 1:7. Azərbaycan güləşçiləri qrup mərhələsinin sonuncu görüşündə Ukraynaya 5:3 hesabı ilə qalib gəlib.
5-ci yer uğrunda görüşdə isə Azərbaycan və Belarus güləşçiləri yarışıb. Ümumi hesab bərabər olsa da hakimlərin seçiminə əsasən Belarus yığması turniri 5-ci pillədə tamamlayıb.
Qeyd edək ki, ötən il keçirilən analoji yarışda Azərbaycanın yunan-Roma güləşçiləri Dünya Kubokunu Bakıya gətirib.
