Azərbaycan yığmasının iki taekvondoçusu İranda təşkil edilən "Fajr Open” turnirində medal qazanıb.
Azərbaycan Taekvondo Federasiyasından Sportnet.az-a verilən məlumata görə, sayca 28-ci olan turnirdə "Təhsil” R.İ.M-nin yetirmələri - İlham Əliyev (54 kq) və Rəvan Hüseynov (58 kq) bürünc medal əldə ediblər.
Qeyd edək ki, təşkilatçılar yarışın qaliblərinə 500, gümüş medalçılara 300, fəxri kürsünün 3-cü pilləsinə yüksələn taekvondoçulara isə 100 dollar məbləğində mükafat veriblər.
