Azərbaycanın qadın güləşçisi Alyona Kolesnik Macarıstanın paytaxtı Budapeştdə keçirilən Avropa çempionatında yarımfinal görüşünə çıxıb.
Sportnet.az-ın məlumatına görə, 59 kq çəkidə mübarizə aparan idmançı finala gedən yolda polşalı Yovita Vjesenlə qarşılaşıb.
Rəqibinə 1:3 hesabı ilə uduzan Kolesnik finala çıxmaq şansını əldən verib. O, bürünc medal uğrunda görüşdə A qrupunda 8:4 hesabı ilə məğlub etdiyi almaniyalı Elene Heyke Bruggerlə qüvvəsini sınayacaq.
Bu gün mübarizəyə qoşulan Türkan Nəsirova da 3-cü yer uğrunda güləşəcək. 50 kq-da yer alan idmançının 1/4 finalda uduzduğu bolqarıstanlı Miqlena Selişka finala adladığından o, bürünc medal görüşünə vəsiqə qazanıb. Nəsirovunun rəqibi polşalı Anna Lukasyak olacaq.
Bu gün, həmçinin sərbəst güləşçilərdən 86 kq-da Abubakr Abakarov qızıl, 74 kq-da Turan Bayramov və 92 kq-da Osman Nurməhəmmədov bürünc medal uğrunda görüşə çıxacaq. Abakarov Maylz Nazem Amine (San Marino), Bayramov Kamil Rıbitski (Polşa) - Zurab Kaprayev (Rumıniya) cütünün qalibi, Nurməhəmmədov isə Damian İqlesias Vilela (İspaniya) ilə üz-üzə gələcək.
Qeyd edək ki, daha əvvəl sərbəst güləşçilərdən Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq) və Əşrəf Aşırov (79 kq) gümüş medal qazanıb. Avropa çempionatı aprelin 3-də başa çatacaq.
------------------------------------
Azərbaycanın qadın güləşçisi Alyona Kolesnik Macarıstanın paytaxtı Budapeştdə keçirilən Avropa çempionatında yarımfinala yüksəlib.
Sportnet.az-ın məlumatına görə, 59 kq çəkidə yer alan idmançı A qrupundakı ilk görüşündə Elif Yanikə (Türkiyə), ardınca Elene Heyke Bruggerə (Almaniya) qalib gələrək, qrup lideri kimi yarımfinala vəsiqəni təmin edib. O, finala gedən yolda Yovita Vjesenlə (Polşa) qarşılaşacaq.
50 kq çəki dərəcəsində çıxış edən Türkan Nəsirova isə təsnifatda Şimonetta Şekeriyə (Macarıstan) qalib gəlsə də, 1/4 finalda Miqlena Selişkaya (Bolqarıstan) məğlub olub.
Azərbaycanın digər qadın güləşçisi, 65 kq-da yarışan Elis Manolova martın 31-də çıxışlarına start verəcək.
Bu gün, həmçinin sərbəst güləşçilərdən 86 kq-da yarışan Abubakr Abakarov qızıl, 74 kq-dakı Turan Bayramov və 92 kq-dakı Osman Nurməhəmmədov bürünc medal uğrunda görüşə çıxacaq. Abakarov Maylz Nazem Amine (San Marino), Bayramov Kamil Rıbitski (Polşa) - Zurab Kaprayev (Rumıniya) cütünün qalibi, Nurməhəmmədov isə Damian İqlesias Vilela (İspaniya) ilə görüşəcək.
Qeyd edək ki, daha əvvəl sərbəst güləşçilərdən Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq) və Əşrəf Aşırov (79 kq) gümüş medal qazanıb. Avropa çempionatı aprelin 3-də başa çatacaq.
-------------------------------------
Macarıstanın paytaxtı Budapeştdə keçirilən Avropa çempionatında bu gün Azərbaycanın iki qadın güləşçisi mübarizəyə başlayacaq.
Sportnet.az-ın məlumatına görə, 50 kq çəki dərəcəsində çıxış edən Türkan Nəsirova təsnifat mərhələsində Şimonetta Şekerlə (Macarıstan) üz-üzə gələcək.
59 kq-dakı Alyona Kolesnik A qrupunda yarışacaq. 27 yaşlı idmançı ilk görüşündə Elif Yanik (Türkiyə) ilə, ardınca isə Elene Heyke Bruggerlə (Almaniya) qarşılaşacaq. A və B qruplarında ilk iki yeri tutan güləşçilər yarımfinala yüksələcək.
Azərbaycanın digər qadın güləşçisi, 65 kq-da yarışan Elis Manolova martın 31-də qüvvəsini sınayacaq.
Bu gün, həmçinin sərbəst güləşçilərdən 86 kq-da yarışan Abubakr Abakarov qızıl, 74 kq-dakı Turan Bayramov və 92 kq-dakı Osman Nurməhəmmədov bürünc medal uğrunda görüşə çıxacaq. Abakarov Maylz Nazem Amine (San Marino), Bayramov Kamil Rıbitski (Polşa) - Zurab Kaprayev (Rumıniya) cütünün qalibi, Nurməhəmmədov isə Damian İqlesias Vilela (İspaniya) ilə görüşəcək.
Qeyd edək ki, daha əvvəl sərbəst güləşçilərdən Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq) və Əşrəf Aşırov (79 kq) gümüş medal qazanıb. Avropa çempionatı aprelin 3-də başa çatacaq.
Avropa çempionatı
50 kq.
Təsnifat. Türkan Nəsirova - Şimonetta Şeker (Macarıstan) - 3:2
1/4 final. Türkan Nəsirova - Miqlena Selişka (Bolqarıstan) - 0:10
Bürünc medal görüşü: Türkan Nəsirova - Anna Lukasyak (Polşa)
59 kq
A qrupu
Alyona Kolesnik - Elif Yanik - 8:3
Alyona Kolesnik - Elene Heyke Brugger (Almaniya) - 8:4
1/2 final. Alyona Kolesnik - Yovita Vjesen (Polşa) - 1:3
Bürünc medal görüşü: Alyona Kolesnik - Elene Heyke Brugger (Almaniya)
