Bu gün Türkiyənin "Qalatasaray" komandası UEFA Avropa Liqasında VII turun oyununa çıxacaq.
Sportnet.az-ın məlumatına görə, turun açılış matçında rəqib Ukraynanın "Dinamo Kiyev" klubu olacaq. İstanbuldakı "RAMS Park"da Bakı vaxtı ilə saat 19:30-da başlanacaq görüşü estoniyalı baş hakim Kristo Tohver idarə edəcək.
İndiyədək Liqa mərhələsində uduzmayan "Qalatasaray" 6 oyundan 12 xalla 6-cı, bütün görüşlərini məğlubiyyətlə başa vuran xalsız "Dinamo Kiyev" isə sonuncu - 36-cı pillədə qərarlaşıb.
Qeyd edək ki, Avropa Liqasında mübarizə aparan Azərbaycan təmsilçisi "Qarabağ" VII tur matçını yanvarın 23-də Bakıda Rumıniyanın FKSB komandasına qarşı keçirəcək. Tofiq Bəhramov adına Respublika stadionunda təşkil olunacaq qarşılaşma saat 21:45-də başlanacaq.
