"Qarabağ" Azərbaycan Premyer Liqasının oyununda "Turan Tovuz"a yenə uduzub.
Sportnet.az xəbər verir ki, Qurban Qurbanovun baş məşqçisi olduğu komanda XX turda Tovuz təmsilçisinə məğlub olub.
Qarşılaşma qonaqların 2:1 hesablı qələbəsi ilə yekunlaşıb.
Ağdam təmsilçisinin heyətində 7-ci dəqiqədə Musa Qurbanlı fərqlənib. Qonaqların yeni transferi Kauan Martins De Paula 89-cu dəqiqədə tarazlığı bərpa edib. 90+4-cü dəqiqədə isə Otto Con "köhlən atlar"ı məyus edib.
Bu nəticədən sonra "Qarabağ" 50 xalla liderdir. Tovuz klubu 35 xalla dördüncü sıradadır.
Qeyd edək ki, günün ilk matçında "Neftçi" "Araz-Naxçıvan"a uduzub - 1:2. Əvvəlki oyunlarda "Zirə" səfərdə "Şamaxı"nı 2:1, "Səbail" evdə "Kəpəz"i 1:0 hesabı ilə üstələyib. "Sabah" - "Sumqayıt" matçında hesab açılmayıb.
--------------------------------------
Azərbaycan Premyer Liqasında XX turun daha bir oyunu keçirilib.
Sportnet.az xəbər verir ki, "Liv Bona Dea Arena"da "Araz-Naxçıvan" və "Neftçi" komandaları üz-üzə gəlib. Baş hakim Rauf Cabbarovun idarə etdiyi görüş meydan sahiblərinin qələbəsi ilə yekunlaşıb - 2:1. Hesabı 29-cu dəqiqədə Vanderson Melo açıb. 64-cü dəqiqədə Ramon Maçado fərqi artıraraq, keçmiş komandasını məyus edib. Qonaqlar bu qollardan birinin əvəzini çıxa biliblər. 67-ci dəqiqədə Filip Ozobiç "Neftçi"nin təsəlli qolunu vurub.
Bununla da "Araz-Naxçıvan" 3 oyundan sonra qələbə qazanaraq, 2-ci pillədəki mövqeyini möhkəmlədib. Baş məşqçi Elmar Baxşıyevin komandasının hazırda 42 xalı var. Çempionatda 8-ci məğlubiyyətini alan "Neftçi" isə 18 xalla 7-ci pillədə qərarlaşıb.
Qeyd edək ki, turun əvvəlki oyunlarında "Zirə" səfərdə "Şamaxı"nı 2:1, "Səbail" evdə "Kəpəz"i 1:0 hesabı ilə yenib. "Sabah" - "Sumqayıt" matçı isə qolsuz yekunlaşıb - 0:0. Tura "Qarabağ" - "Turan Tovuz" görüşü ilə yekun vurulacaq.
-------------------
Bu gün Azərbaycan Premyer Liqasında XX turun son oyunları keçiriləcək.
Sportnet.az xəbər verir ki, əvvəlcə “Araz-Naxçıvan” “Neftçi”ni qəbul edəcək.
“Liv Bona Dea Arena”da keçiriləcək oyun saat 16:00-da başlayacaq. Qarşılaşmanı Rauf Cabarov idarə edəcək. Bu görüşdə zədə səbəbindən Rəhman Hacıyev, Rafael Quzzo və Dembo Darbo "Neftçi"yə kömək edə bilməyəcək.
Son 3 turda məğlub olan Muxtar Respublika təmsilçisi hazırda 39 xalla turnir cədvəlində ikinci pillədə qərarlaşıb. 3 oyundur uduzmayan paytaxt klubu isə 18 xalla 7-cidir. İki komanda arasındakı görüşlərə gəldikdə, "Neftçi" son 2 matçında qələbə qazanmayıb. "Araz-Naxçıvan" isə son 4 ev qarşılaşmasından xalsız ayrılmayıb.
Turun son görüşündə “Qarabağ” Tofiq Bəhramov adına Respublika stadionunda “Turan Tovuz”u qəbul edəcək. Saat 18:30-da başlayacaq matçın baş hakimi Cavid Cəlilov olacaq. Son 3 matçından yalnız qələbə ilə ayrılan “Qarabağ” 50 xalla turnir cədvəlində lider, son 3 matçında qalibiyyətə həsrət qalan “Turan Tovuz” isə 32 xalla 4-cüdür.
Bununla belə, Tovuz komandası bu mövsüm 1 qələbə və 1 heç-heçə ilə Ağdam təmsilçisindən xal almağı bacaran yeganə komandadır. Başqa sözlə, baş məşqçi Kurban Berdıyevin komandası ilk 2 dövrənin oyunlarında "Qarabağ"a uduzmayıb. Üstəlik, Qurban Qurbanovun komandası bu matçlarda qol belə vura bilməyib.
Qeyd edək ki, XX turun əvvəlki oyunlarında “Zirə” “Şamaxı”nı 2:1, “Səbail” “Kəpəz”i 1:0 hesabı ilə məğlub edib. “Sabah” - “Sumqayıt” matçında isə qapılara qol vurulmayıb - 0:0.
Azərbaycan Premyer Liqası, XX tur
26 yanvar
16:00. “Araz-Naxçıvan” - “Neftçi” - 2:1
Qollar: Vanderson Melo, 29. Ramon Maçado, 64 - Filip Ozobiç, 68
Sarı vərəqələr: Qara Qarayev, 44 (qeyri-idman hərəkəti); Felipe Santos, 73 (qeyri-idman hərəkəti); İssuf Paro, 90+4 (qeyri-idman hərəkəti) - Yeqor Boqomolski, 20 (qeyri-idman hərəkəti); Ramil Şeydayev, 73 (qeyri-idman hərəkəti)
Artırılan vaxt: I hissədə 2 dəq; II hissədə 5 dəq.
Hakimlər: Rauf Cabarov, Zöhrab Abbasov, Teymur Teymurov, Elvin Bayramov
VAR hakimi: İnqilab Məmmədov
AVAR hakimi: Namiq Hüseynov
Hakim-inspektor: İmanxan Sultani
AFFA nümayəndəsi: Elçin Mehtiyev
“Liv Bona Dea Arena”, 400 tamaşaçı
“Araz-Naxçıvan”: 12. Kristian Avram 5. Qara Qarayev 34. Urfan Abbasov (k) 2. Slavik Alxasov 24. Mustafa Əhmədzadə (6. Vadim Abdullayev, 74) 16. Ramon Maçado (7. Ülvi İsgəndərov, 90+1) 29. Vanderson Melo 17. İssuf Paro 23. Nuno Rodriqes (14. Miço Kuzmanoviç, 68) 4. İqor Ribeyro 97. Felipe Santos (10. Bernardo Dias, 74)
Ehtiyat oyunçular: 94. Tərlan Əhmədli 99. Raul Əhmədzadə 22. Elçin Mustafayev 20. Turan Vəlizadə 71. Sənan Ağalarov 57. Elcan Məmmədov 21. Sezar Meza Kolli 8. Karlos Jatoba
Baş məşqçi: Elmar Baxşıyev
“Neftçi”: 1. Emil Balayev (k) 8. Emin Mahmudov 3. Höccət Haqverdi 4. Elvin Camalov 90. Ramil Şeydayev 13. Emil Səfərov (10. Filip Ozobiç, 46) 47. Murad Məmmədov (20. Alfa Konte, 46) 44. Yuri Matias 23. Robert Bauer (88. Andrey Ştoqrin, 86) 24. Mustafa Sek (19. Azər Salahlı, 46) 77. Yeqor Boqomolski (91. Ağadadaş Salyanski, 46)
Ehtiyat oyunçular: 93. Rza Cəfərov 30. Rustam Samigullin 7. Azər Əliyev 78. Elcan Əbilov 14. Edvin Kuç 99. Ervin Koffi 18. Ryonosuke Ohori
Baş məşqçi: Samir Abasov
18:30. “Qarabağ” - “Turan Tovuz” - 1:2
Qollar: Musa Qurbanlı, 7 - Kauan Martins, 90. Otto Con, 90+4
Sarı vərəqələr: Marko Yankoviç, 47 (hakimin qərarına etiraz); Patrik Andrade, 74 (qeyri-idman hərəkəti) - Rəhim Sadıxov, 38 (hakimin qərarına etiraz)
Artırılan vaxt: I hissədə 2 dəq; II hissədə 4 dəq.
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov
VAR hakimi: Əliyar Ağayev
AVAR hakimi: Zeynal Zeynalov
Hakim-inspektor: Ceyhun Haşımov
AFFA nümayəndəsi: Seymur Səlimli
Tofiq Bəhramov adına Respublika stadionu, 1 200 tamaşaçı
“Qarabağ”: 1. Şahrudin Məhəmmədəliyev (k) 24. Aleksey İsayev (6. Julio Romao, 69) 13. Bəhlul Mustafazadə 27. Toral Bayramov 22. Musa Qurbanlı (8. Marko Yankoviç, 81) 29. Marko Veşoviç (30. Abbas Hüseynov, 46) 66. Patrik Andrade 7. Yassin Benzia 2. Mateus Silva 21. Aleksey Kaşuk (15. Leandro Andrade, 62) 11. Emmanuel Addai (10. Abdullah Zubir, 69)
Ehtiyat oyunçular: 97. Fabian Buntiç 20. Riçard Almeyda 55. Bədavi Hüseynov 44. Elvin Cəfərquliyev 90. Nəriman Axundzadə 81. Kevin Medina 19. Redon Cica
Baş məşqçi: Qurban Qurbanov
“Turan Tovuz”: 41. Sergey Samok 17. Rəhim Sadıxov 88. Faiq Hacıyev 7. İsmayıl Zülfüqarlı 77. Veysəl Rzayev (44. Rüfət Əhmədov, 85) 9. Kristian da Silva (k) (29. Anton Kraçkovski, 79) 23. Alexandro Serrano 90. Joarlem Santos (80. Otto Con, 65) 15. Emmanuel Hakman 40. Kauan Martins 21. Aleks Souza (11. Ayxan Hüseynov, 79)
Ehtiyat oyunçular: 1. İvan Konovalov 71. Mehman Hacıyev 39. Sadiq Quliyev 8. Tural Bayramlı 99. Sadiq Şəfiyev 30. Mircamal Əlizadə Baş məşqçi: Kurban Berdiyev
