ABŞ-ın "Nyu-York Siti" klubunun yeni transferi Andrea Pirlonun illik əmək haqqı müəyyənləşib. Sportnet.az-ın məlumatına görə, İtaliya "Yuventus"unun sabiq yarımmüdafiəçisi ildə 8 milyon avro qazanacaq.
Bununla da Pirlo MLS-in ən ödənişli futbolçusuna çevrilib. 36 yaşlı dünya çempionu Avropa futbolunun digər ulduzları - Frenk Lempard və David Vilya ilə birgə çıxış edəcək.
Qeyd edək ki, Andrea Pirlo İtaliya milli komandasına da çağırılır. O, 2014-cü il oktyabrın 10-da keçirilmiş AVRO-2016-nın seçmə qrup matçında Azərbaycan yığmasına qarşı forma geyinib.
