Çimərlik futbolu üzrə dünya çempionatının finalçıları müəyyənləşib. Sportnet.az-ın məlumatına görə, ən gərgin yarımfinal matçında təşkilatçı Portuqaliya ilə son 2 mundialın qalibi Rusiya milli komandaları üz-üzə gəlib.
Görüş Portuqaliya millisinin qələbəsi ilə yekunlaşıb - 4:2. Meydan sahiblərindən Jordan, Be Martinş (2 dəfə) və Brunu Novu, şimal qonşularımızdan isə Aleksey Makarov və Dmitri Şişin fərqlənib. 14-cü dəqiqədə Şişin tribunalara xoşagəlməz jestinə görə, qırmızı vərəqə alıb. 34-cü dəqiqədə rusiyalı daha bir futbolçu Yuri Kraşeninnikov ikinci sarı vərəqənin ardından meydanı tərk edib.
Finalda Portuqaliya millisi Taiti ilə, 3-cü yer uğrunda görüşdə isə Rusiya İtaliya ilə üz-üzə gələcək. Hər iki qarşılaşma bu gün keçiriləcək.
