"İkinci liqada inanılmaz mübarizə gedir. Heç kim məsuliyyətsiz yanaşa bilməz". Sportnet.az-ın məlumatına görə, bunu İspaniyanın "Kordoba" klubu ilə müqavilə imzalayan Azərbaycan millisinin futbolçusu Eddi İsrafilov deyib.
23 yaşlı yarımmüdafiəçi keçidi haqda bunları deyib: "Hər oyunda problemi aradan qaldırmaq lazımdır. Yarımmüdafiənin hər mövqeyində çıxış edə bilirəm. Komandaya kömək etməyə gəlmişəm. Baş məşqçinin şans verəcəyi təqdirdə əlimdən gələni edəcəm".
Qeyd edək ki, Eddi İsrafilov "Kordoba" ilə mövsüm sonunadək müqavilə imzalayıb.
