AFFA İntizam Komitəsi "Sədərək” klubunun futzalçısı Əli Abbasovu 1 illik cəzalandırılıb. Sportnet.az-ın məlumatına görə, Abbasov FHN-lə Azərbaycan çempionatı matçının 7-ci dəqiqəsindəki davranışı üzündən diskvalifikasiyaya məruz qalıb.
O, aqressiv hərəkət, hakimə qarşı fiziki təsir və qırmızı vərəqə alaraq meydandan kənarlaşdırıldıqdan sonra hakimlər briqadasını təhqir edib.
Elə həmin vaxt "Sədərək"in daha bir futzalçısı Şahin Alırzayev aqressiv hərəkət, hakimə qarşı fiziki təsir göstərməyə cəhd etdiyinə görə birbaşa qırmızı vərəqə alaraq meydandan kənarlaşdırılıb. O, 5 oyunluq cəzalanıb. Elxan Abbasov isə sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb. "Sədərək” oyunu davam etdirməkdən imtina etdiyinə görə kluba 0:5 hesablı texniki məğlubiyyət verilib.
