"İlk növbədə, Rusiya millisini qələbə qazanması və növbəti mərhələyə yüksəlməsi münasibətilə təbrik edirəm. Bu fikrimi növbəti dəfə səsləndirirəm ki, məğlub olmusansa, çox danışmaq münasib deyil". Sportnet.az-ın məlumatına görə, bunu Azərbaycanın futzal üzrə milli komandasının baş məşqçisi Faustino Peres Avropa çempionatının 1/4 finalında Rusiyaya 2:6 hesabı ilə uduzduqları oyundan sonra deib.
İspaniyalı mütəxəssis bildirib ki, rəqib komanda təcrübə hesabına qələbə qazanaraq, mərhələ adlayıb: "Əlbəttə, uduzmaq istəmirdik. Müəyyən epizodlarda qol vurmaq şanslarımız da oldu, lakin yararlana bilmədik. Rəqib isə təcrübəsi hesabına qələbə qazana bildi. Hesabın böyük olması isə son 2 dəqiqədə daha çox risk etməyimizlə bağlı idi”.
