17 yaşadək futbolçulardan ibarət Rusiya yığması təlim-məşq toplanışı üçün Bakıya gələcək. Sportnet.az-ın məlumatına görə, Sergey Matveyevin rəhbərlik etdiyi komanda fevralın 20-də paytaxtda olacaq.
Ayın 26-dək davam edəcək toplanışda 20 futbolçu iştirak edəcək. Qonaqlar toplanış çərçivəsində Azərbaycandan olan həmyaşıdları ilə 2 yoxlama görüşü keçirəcək. Komandalar fevralın 23 və 25-də Bakı Olimpiya Stadionunda üz-üzə gələcəklər. Oyunlar saat 16:00-da başlayacaq.
