Türkiyə 3-cü liqasında çıxış edən "Çorum Belediyespor"un heyətində top qovan Akın Karaaslan "Batman Petrolspor"la (0:1) görüşdən sonra infarkt keçirib. Sportnet.az-ın məlumatına görə, 25 yaşlı futbolçu oyun zamanı özünü narahat hiss edib.
Matçdan sonra klubun bazasına qayıdan A.Karaaslan infarkt keçirib və klub nümayəndələri tərəfindən özəl xəstəxanaya aparılıb. Futbolçunun Ankarada yerləşən xəstəxanaya köçürülməsinə qərar verilib.
Qeyd edək ki, Karaaslan meydana ilk 11-likdə çıxıb və oyunun gedişində özünü narahat hiss etməsinə baxmayaraq meydanda qalmağa davam edib.
