İspaniya milli komandasının baş məşqçisi Visente del Boske İtaliya yığması ilə yoldaşlıq görüşü zamanı yan xətt hakimi ilə toqquşub. Sportnet.az-ın məlumatına görə, 20-ci dəqiqədə baş verən hadisə nəticəsində təcrübəli mütəxəssis müvazinətini itirərək, yerə yıxılıb.
Laynsman meydanın kənarınadək gələn del Boskeni nəzərindən qaçırıb və ayağı ilə vurub. Baş məşqçi xəsarət almayıb. O, özü ayağa qalxıb və gülümsünərək, hakimin əlini sıxıb.
Qeyd edək ki, Visente del Boskenin yıxılması sosial şəbəkələrdə xüsusən diqqət mərkəzinə düşüb. İstifadəçilər onu İngiltərə "Arsenal"ı ilə görüşdə qəsdən yerə sərilən "Mançester Yunayted"inin baş məşqçisi Lui van Qalla müqayisə ediblər.
