"Azərbaycanın şansları barədə danışmaq çətindi. Amma dəqiq söyləyə bilərəm ki, turnirdə oyunlar asan keçməyəcək. Buraya qədər gəlmişiksə, zəif deyilik". Sportnet.az-ın məlumatına görə, bunu Portuqaliyanın U-17 millisinin baş məşqçisi Elio Souza deyib.
Avropa çempionatı haqda fikirlərini bildirən baş məşqçi turnirin favoritlərinin adlarını açıqlayıb: "Məncə, 6 komandanın adını favorit kimi qeyd etmək olar. Bunlar Hollandiya, İngiltərə, İspaniya, Ukrayna, İngiltərə və Fransa milliləridir. Təbii ki, biz də bura hazırlıqlı gəlmişik. Yaxşı heyətimiz var. Növbəti mərhələyə adlayacağımıza ümid edirəm. Final mərhələsinə gəlib çıxmışıqsa, deməli, yaxşı futbolçulara sahibik. Gələcəkdə Portuqaliyadan Kriştianu Ronaldo kimi futbolçu çıxıb-çıxmayacağını deyə bilmərəm. Amma əlimizdən gələni edirik ki, futbolçularımızın səviyyəsini yüksəklərə qaldıraq və onlar gələcəkdə böyük klublarda çıxış etsinlər”
