Türkiyənin "Qalatasaray" klubu baş məşqçi Mirça Luçesku ilə danışıqlar aparır. Sportnet.az-ın məlumatına görə, bu barədə klub prezdeitni Dursun Özbek "Lig TV"yə açıqlamasında bildirib.
O, 70 yaşlı mütəxəssisi komandanın baş məşqçi postunda görmək istədiklərin deyib: "Tez qərar vermək əvəzinə "Qalatasaray"ın gələcəyini düşünmək lazımdır. Ən doğru seçimi etməyə çalışırıq. Komanda üçün düşündüyümüz mütəxəssislərdən bəziləri hazırda işləyir. Luçeskunu "Qalatasaray"da görmək istəyərik. Onunla telefonda danışdıq və bizə vaxt verdi. Qərarı idarə heyətimiz verəcək".
Qeyd edək ki, Mirça Luçesku hazırda Ukrayna "Şaxtyor"unun baş məşqçisidir.
