İspaniyanın "Barselona" klubu futbolçusu Neymarla müqavilə müddətini artıracaq. Sportnet.az-ın məlumatına görə, yeni müqavilə 2022-ci ilədək nəzərdə tutulub.
İmza mərasimi mayın 22-də "Sevilya" ilə İspaniya Kubokunun final matçından sonra olacaq. 24 yaşlı braziliyalının Kataloniya təmsilçisi ilə hazırkı müqavilə müddəti 2018-ci ildə başa çatacaq.
Qeyd edək ki, müqavilə imzalandıqdan sonra Neymarı transfer etmək istəyən komanda 220 milyon avro təzminat ödəməli olacaq.
