Makedoniyada təşkil olunmuş təlim-məşq toplanışı çərçivəsində 19 yaşadək futbolçulardan ibarət Azərbaycan yığma komandası bu gün növbəti yoldaşlıq oyunu keçirib. Sportnet.az-ın məlumatına görə, yığmamız Makedoniyanın müvafiq yaş qrupuna aid komandası ilə qarşılaşıb.
Görüş meydan sahiblərinin qələbəsi ilə yekunlaşıb - 2:1. Komandamızın yeganə qolunu 10-cu dəqiqədə Fərid Nəbiyev vurub.
Qeyd edək ki, toplanış müddətində bu komandalar arasında ilk yoldaşlıq oyunu iyunun 1-də keçirilib. Həmin oyun da millimizin məğlubiyyəti ilə yekunlaşıb - 0:2.
