"Qəbələ” 2016-2017-ci illər mövsümünə hazırlığın ilkin mərhələsini başa vurub. Sportnet.az-ın məlumatına görə, "qırmızı-qaralar” Bakıda keçirilən təlim-məşq toplanışını ikinci yoxlama matçı ilə yekunlaşdırıb.
Roman Qriqorçukun baş məşqçi olduğu komanda iki gün öncə olduğu kimi, yenə "Bakı” ilə görüşüb. Qarşılaşma paytaxtın eyniadlı təmsilçisinin bazasının stadionunda baş tutub. "Qəbələ” oyunun hər hissəsinə fərqli heyətlə çıxıb. Qarşılaşma "qırmızı-qaralar”ın böyükhesablı qələbəsi ilə başa çatıb – 3:0. Qolları Filip Ozobiç, Vitali Vernidub və Ehtiram Şahverdiyev vurub.
Paytaxtdakı toplanışı başa vuran "Qəbələ” yeni mövsümə hazırlığın ikinci mərhələsini Gürcüstanda keçirəcək. Sabah Tbilisidəki toplanışa start verəcək "qırmızı-qaralar” iyunun 26-dək keçəcəyi hazırlıq prosesində 3 yoxlama matçında qüvvəsini sınayacaq.
