Ötən mövsüm Azərbaycan Premyer Liqasında çıxış etmiş Nelson Bonilya "Zirə" ilə yollarını ayırıb. Sportnet.az-ın məlumatına görə, bu barədə 26 yaşlı hücumçunun özü "İnstagram" hesabı vasitəsilə açıqlama verib.
O, komanda yoldaşlarına və azarkeşlərə minnətdarlığını bildirib. Bonilya Bakıda olduğu müddətdə özünü evindəki kimi hiss etdiyi və kollektiv olaraq, böyük işlər gördüklərini vurğulayıb. Salvadorlu forvard "Zirə"nin karyerasında mühüm yer tutacağını söyləyib. Təcrübəli qolçu yeni klubunun adını açıqlamasa da, Avropanın ən yaxşı 10 liqasından birində çıxış edəcəyini bildirib.
Qeyd edək ki, Nelson Bonilya 2015-2016 mövsümündə Azərbaycan Premyer Liqasında 14 dəfə fərqlənərək, bombardirlər siyahısında ikinci olub.
