İrlandiya yığmasının futbolçusu Robbi Bredi Avropa çempionatları tarixində ikinci ən sürətli qolu vurub. Sportnet.az-ın məlumatına görə, 24 yaşlı yarımmüdafiəçi Fransa ilə AVRO-2016-nın 1/8 final matçında 2-ci dəqiqənin tamamında penaltidən fərqlənib.
Ən sürətli qol isə Rusiya yığmasının forvardı Dmitri Kiriçenkoya məxsusdur. "Rostov"un hazırkı məşqçisi AVRO-2004-də 2-ci dəqiqənin başlanğıcında Yunanıstanı oyun epizodunda məyus edib. Həmin görüşdə şimal qonşularımız qələbə qazanıb - 2:1. Lakin çempionatın qalibi Yunanıstan olub.
Qeyd edək ki, Robbi Bredi qitə çempionatları tarixinə penaltidən ən erkən qol müəllifi kimi düşüb.
