"Neftçi”nin Avropa Liqasının I təsnifat mərhələsində Maltada "Baltsan"a qarşı keçirəcəyi ilk oyunun hakimləri müəyyənləşib. Sportnet.az-ın məlumatına görə, qarşılaşmanın baş hakimi monteneqrolu Yovan Kaludyeroviç olacaq.
Ona həmyerlilərindən Daniel Deviç və Vladan Todoroviç yan xətt, Mileta Şçepanoviç dördüncü hakim qismində kömək edəcəklər. UEFA nümayəndəsi Miçal Mertinyak (Slovakiya), hakim-inspektor isə Vatslav Krondl (Çexiya) olacaq.
Qeyd edək ki, iyunun 7-də "Hibernians" stadionunda keçiriləcək görüş Bakı vaxtı ilə saat 20:00-da başlanacaq.
