İspaniyanın "Deportivo" klubunun qapıçısı Fabrisio Aqosto Ramires komandanın heyətində sonuncu dəfə mətbuat konfransı keçirib. Sportnet.az-ın məlumatına görə, 29 yaşlı qapıçı konfrans zamanı göz yaşlarına hakim ola bilməyib.
Tezliklə Türkiyənin "Beşiktaş" klubunun düşərgəsinə qoşulacaq əlcək sahibi "Deportivo"nu evi kimi gördüyünü və ayrılmağın asan olmadığını bildirib: "Karyeramda yeni bir səhifə açmaq istəyirdim. Hər zaman Çempionlar Liqasında oynamağı arzu etmişəm. Bu xəyalımı "Beşiktaş"la həyata keçirəcəm. "Beşiktaş" böyük klubdur".
Qeyd edək ki, zədə səbindən ötən mövsüm meydana çıxmayan Aqosto Ramires karyerası ərzində yalnız İspaniya klublarında çıxış edib. O, "Real Valyadolid", "Rekrativo" və "Real Betis" komandalarında çıxış edib.
