UEFA Fransada yekunlaşmaqda olan AVRO-2016-da maddi qazancını açıqlayıb. Sportnet.az-ın məlumatına görə, qitə futbol qurumundan gəliri 830 milyon avro olub.
Bu haqda UEFA-nın kommunikasiya üzrə departamentinin rəhbəri Pedru Pintu məlumat verib: "Turnirdə gəlirimiz 1,93 milyard avro olub. Bunun müqabilində yarışı keçirmək 1,1 milyard avroya başa gəlib. Beləliklə, UEFA Avropa çempionatında 830 milyon avro qazanıb".
Xatırladaq ki, sabah Sen-Denidə Fransa və Portulaiya yığmaları arasında final oyunu ilə yekun vurulacaq qitə birinciliyi 10 şəhərdə keçirilib.
