Bakı "İnter”i bu gün səhər saatlarında Türkiyəyə yola düşüb. Sportnet.az-ın məlumatına görə, Bakı-İstanbul-Ankara reysi ilə qardaş ölkəyə yollanan "İnter” Qızılcahamam rayonunda yerləşən "Cam” hotelində məşkunlaşacaq.
Komanda toplanış çərçivəsində 4 yoxlama matçı keçirməyi planlaşdırır. İyulun 14-də rəqib Türkiyə Superliqasının təmsilçisi "Kasımpaşa” olacaq. Oyun Bakı vaxtı ilə saat 18.00-da baş tutmalıdır. "Bankirlər" iyulun 18, 22 və 25-də də yoxlama oyunları keçirməyi planlaşdırır. Rəqiblər hələlik məlum deyil.
Qeyd edək ki, "İnter” Türkiyə toplanışını iyulun 26-da yekunlaşdıracaq.
