Azərbaycanlı futbolçu Ramil Şeydayev Türkiyə "Trabzonspor"unun heyətində hazırlığını davam etdirir. Sportnet.az-ın məlumatına görə, 20 yaşlı hücumçunun yeni keçdiyi Trabzon təmsilçisində məşqlərdə özümü necə göstərməsi Türkiyə mətbuatının diqqət mərkəzindədir.
Türkiyəli həmkarlarımızın yazdığına görə, ucaboylu Şeydayev hava mübarizələrində qalib olması, "ikinci mərtəbə"də inamlı çıxışıyla diqqət çəkir. Onun məşqlərdə, ikitərəfli oyunda başla yaxşı oynamaqla yanaşı, ötürmələrdə və zərbələrdə təm dəqiq olması da diqqətdən qaçmayıb.
Şeydayevin komanda yoldaşları ilə tez qaynayıb-qarışması da Ərsun Yanalın başçılıq etdiyi məşqçilər heyətini məmnun edib. Yanal növbəti mövsümdə hücum futbolu nümayiş etdirəm, 90 dəqiqə hücum edən komandanı görmək istədiyindən, Ramilin də yer aldığı ön xətt diqqət mərkəzində olacaq. Təcrübəli mütəxəssis Slovakiyadakı ilkin hazılrıq prosesində hücum futbolu üzərində xüsusi işləyir.
Xatırladaq ki, Şeydayev "Trabzonspor"a keçməklə yanaşı, Rusiya vətəndaşlığını Azərbaycana dəyişib və milli komandamızda oynamaqla bağlı AFFA-ya rəsmi müraciət edib.
