Dünyanın ən yaxşı futbolçusu olmuş Ronaldinyo karyerasını Hindistanda davam etdirəcək. Sportnet.az-ın məlumatına görə, "Qızl top" mükafatını qazanmış 36 yaşlı hücumçu bir sıra ulduz futbolçular - ingiltərəli Pol Skoulz, uelsli Rayan Giqqz, portuqaliyalı Deku, argentinalı Ernan Krespo kimi futzal liqasında iştirak edəcək.
Bu, Hindistan Futzal Assosiasiyasının bayrağı altında yaradılan "Premyer Futzal" liqasıdır və onun ilk mövsümü olacaq. Braziliya yığmasının sabiq üzvü bu turnirdə iştirakına görə 500 min dollar alacaq.
Xatırladaq ki, dünya çempionluğunu da qazanan Ronaldinyonun son klubu vətənində "Fluminense" olub. O, ötən ilin sentyabrında bu klubdan gedəndən sonra sərbəst futbolçudur.
