Kiyev "Dinamo"su Ukrayna Super Kubokuna sahib olub. Sportnet.az-ın məlumatına görə, Odessada keçirilən qarşılaşmada "Dinamo" "Şaxtyor"a qalib gəlib.
Əsas vaxtda komandalar hərəyə bir dəfə fərqləniblər. 58-ci dəqiqədə Fred hesabı açıb. 80-ci dəqiqədə Domaqoy Vida "Şaxtyor"un bərabərlik qolunu vurub. Əlavə vaxtda qol vurulmadığından, görüşün taleyi penaltilər seriyasında həll olunub. Bu zaman "Dinamo" daha üstün olub - 4:3.
Qeyd edək ki, bu, "Şaxtyor"un yeni baş məşqçi Paulu Fonsekanın rəhbərliyi altında ilk rəsmi matçı olub. O, Rusiya "Zenit"inə yollanan Mirça Luçeskunu əvəzləyib.
