Futbol üzrə Avropa Liqasında mübarizəni davam etdirən "Qəbələ"nin Fransanın "Lill" komandası ilə cavab oyununun başlama saatı açıqlanıb. Sportet.az-ın UEFA-nın rəsmi saytına istinadən verdiyi məlumata görə, avqustun 4-də Bakıda keçiriləcək qarşılaşmanın start fiti saat 21:00-da çalınacaq.
Görüş "Bakcell Arena"da baş tutacaq. Əvvəlki mərhələdə "Qəbələ"nin Macarıstan MTK-sı ilə cavab matçı da eyni saatda başlanıb.
Qeyd edək ki, ilk oyun iyulun 28-də Lill şəhərindəki "Metropol" stadionunda təşkil olunacaq.
