AFFA İntizam Komitəsi Azərbaycan Premyer Liqasının I turunda yaşıl meydanlarda baş verənlərə hüquqi qiymət verib. Sportnet.az-ın məlumatına görə, komitə 3 klubu cəzalandırıb.
Şüvəlanda keçirilən AZAL – "Neftçi" matçının 36-cı dəqiqəsində qonaqların futbolçusu Jayro Rodriges ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub. Ardınca AZAL-ın heyətində Ruslan Nəsirli rəqibi itələdiyinə görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb, klub isə 1600 manat ziyana düşüb.
Komitə öz qərarlarında AZAL-ın təmiz qolunu qeydə almayan hakimlər briqadası ilə bağlı hər hansı bir ölçünün götürülməsi ilə bağlı tapşırıq verməyib.
"İnter" - "Qarabağ" matçında "bankirlərin" 5 futbolçusu sarı vərəqə ilə cəzalandığı üçün klub 800 manat cərimələnib.
