"Qəbələ" Azərbaycan Premyer Liqasının II turunun "İnter"lə oyununun hazırlığına start verib. Sportnet.-azın məlumatına görə, avqustun 8-də keçirilən "Kəpəz"lə I turun qarşılaşmasından (2:0) sonra məşqlərinə ara verməyən "qırmızı-qaralar" günün ikinci yarısında bir araya gəlib.
Hazırlıq prosesində futbolçular iki qrupa bölünüb. Bir gün öncəki görüşdə iştirak edənlər bərpaedici hazırlıq keçibsə, digər oyunçular topla çalışıb. Komanda növbəti məşqini bu gün keçirəcək.
Qeyd edək ki, avqustun 12-də "Dalğa Arena"da keçiriləcək "Qəbələ" - "İnter" matçı saat 20:00-da başlayacaq.
