Gəncənin "Kəpəz" klubunun futbolçusu Azad Kərimov zədələnib. Sportnet.az-ın məlumatına görə, gənc müdafiəçi dünən "sarı-göylər"in AZAL-la oyun öncəsi Gəncədə keçirilən məşqində sıradan çıxıb.
Klubun tibb personalının həkimi Şıxəli Həsənovun klub saytına futbolçunun baldır ayaq oynağı, eyni zamanda vətər və bağlarının dartıldığını bildirib.
Kərimova ilkin tibbi yardım göstərilib, onun vəziyyətinə təkrar müayinədən sonra aydınlıq gələcək.
