"Vəli Qasımovun vəziyyəti stabildir, müalicəsi davam edir". Sportnet.az-ın məlumatına görə, bunu "Neftçi" klubunun baş həkimi Şaiq Zöhrablı "Report"a açıqlamasında bildirib.
O, komandanın baş məşqçisi Vəli Qasımovun Bakıdakı "HB Güven" klinikasında müalicə aldığını deyib: "Bu gün təkrar müayinə keçiriləcək və ondan sonra qərar veriləcək. Bu cür hallarda 2-3 gündən sonra xəstə evə buraxılır. Amma əlavə hansısa bir xəstəliklər aşkarlansa, o zaman müddət bir həftə də ola bilər. İndiki halda isə vəziyyət normaldır".
Qeyd edək ki, baş məşqçi V.Qasımov dünən gecə hipertonik kriz diaqnozu ilə xəstəxanaya yerləşdirilib.
