Türkiyənin "Trabzonspor" klubunun azarkeşləri ilə bağlı yeni qərar qəbul edilib. Sportnet.az-ın məlumatına görə, klubun futbol və basketbol komandalarının "Beşiktaş", "Qalatasaray" və "Fənərbağça" ilə oyunlarında qonaq azarkeşlər stadiona buraxılmayacaq.
Buna səbəb əvvəllər azarkeşlər arasında yaşanan insidentlər olub. Trabzon İdman Təhlükəsizlik Şurası məsələ ilə bağlı qərar qəbul edib. Qərar avqustun 16-da keçirilmiş daxili iclasda qəbul edilib. Üstəlik bu komandalarla oyunda mühafizənin də sayı artırılacaq.
