Çimərlik futbolu üzrə 2017-ci il Dünya Kubokunun İtaliyanın Yezolo şəhərində təşkil olunmuş Avropa komandaları arasında seçmə mərhələsinin ikinci raundunda Azərbaycan milli komandası növbəti oyununu keçirib.
Sportnet.az-ın məlumatına görə, millimiz 3:4 hesabı ilə Çexiya yığmasına məğlub olub. Futbolçularımızdan Asif Zeynalov, Amid Nəzərov və Ramil Əliyev fərqlənib.
Qeyd edək ki, bu, millimizin turnirdə 4-cü oyunu olub. Əvvəlki görüşlərində Komandamız İspaniyaya 4:2, Türkiyəyə 3:1 hesabı ilə qalib gəldiyi halda, İsveçrəyə uduzub - 6:7.
