Şotlandiya çempinatında maraqlı olay baş verib. Sportnet.az-ın məlumatına görə, "Dandi Yunayted"in qapıçısı Kemmi Bell 23 dəqiqəyə 3 penalti dəf edib. Bu, V turda "Danfermlayn"la matçda olub.
Qolkiper artıq ilk hissədə 3 dəfə məharətini göstərib. Qevin Rayli 9-cu, Niki Klark 27-ci, Pol Makmallan 32-ci dəqiqədə onunla dueldən məyus ayrılıb.
Özü də Bell 2-ci penaltidən əvvəl rəqib hücumçu ilə toqquşduğuna görə ona həkim köməyi lazım olub. Ancaq bu, zərbəni dəf etməsinə mane olmayıb. Nəticədə qapıçı komandasının 3:1 hesablı qələbəsində əsas pay sahibi olub.
