Oktyabrın 12-dən Bakıda AFFA tərəfindən UEFA-nın "A" kateqoriyalı məşqçi kursu keçiriləcək. Sportnet.az-ın məlumatına görə, kurs 4 mərhələdə - ayın 16-dək (birinci mərhələ), oktyabrın 31-dən noyabrın 4-dək (ikinci mərhələ), noyabrın 14-dən 18-dək (üçüncü mərhələ) və noyabrın 28-dən dekabrın 10-dək (dördüncü mərhələ) olacaq.
Kursda iştirak etmək istəyənlər ərizə, şəxsiyyət vəsiqəsinin surəti, sağlamlıq haqqında arayış, 2 ədəd şəkil (3x4) və "B" Lisenziya və diplomun surətini təqdim etməlidir.
Kursda iştirak üçün ödənişin məbləği 2000 manatdır. Ödəniş nağd və ya köçurmə yolu ilə aparıla bilər.
