"Çətin oyun oldu. Amma oyuna diqtə edə bildik. İlk yarıda rəqibə qol imkanı vermədik. Bəxtsiz şəkildə qol buraxsaq da, sonradan vəziyyəti düzəldə bildik". Sportnet.az-ın məlumatına görə, bu fikirləri "İnter"in baş məşqçisi Zaur Svanadze Azərbaycan Premyer Liqasının VI turunda AZAL-a səfərdə 3:1 hesabı ilə qalib gəlidkləri oyundan sonra keçirilən mətbuat konfransında bildirib. Onun sözlərinə görə, heyətlə bağlı hər şey qaydasında olsa, çempionluğa mübarizə apara bilərlər: "İndi hələ başlanğıcdır. Yaxşı start götürmüşük. Uzun yol var. Heyətimizdə ciddi zədəlilər olmasa, olduğu kimi qalsa, mübarizə apara bilərik".
Svanadze oyunun qəhrəmanlarından olan hücumçusu Rauf Əliyevə də toxunub: "Rauf belə davam etsə, milliyə dəvət olunacaq. İrəliləyiş var, normal formadadır".
