"Neftçi”nin futbolçusu Edson Kastilyo Azərbaycan Premyer Liqasının hazırkı turunda "Kəpəz”ə 2:0 hesabı ilə qalib gəldikləri oyun haqda danışıb. Sportnet.az-ın məlumatına görə, paraqvaylı yarımmüdafiəçi "Neftçi TV"yə açıqlamasında çempionatdakı bütün oyunlarının çətin keçdiyini bildirib: "Bu da çətin görüşlərdən biri idi. Sadəcə, toparlanıb qələbə qazandıq. Buradan komanda yoldaşlarımı, klub rəhbərliyini və azarkeşlərimizi təbrik edib, demək istəyirəm ki, bu, hamımızın qələbəsidir”.
