"Qəbələ"nin rusiyalı sabiq baş məşqçisi Yuri Syominin yenidən qayıtdığı "Lokomotiv"də işləri yaxşı getmir. Sportnet.az-ın məlumatına görə, Moskva klubu rusiyalı mütəxəssisin dönüşünü qələbə ilə qeyd etsə də, sonradan 3 xala həsrət qalıb.
Ancaq "dəmryolçular"ın prezidenti İlya Qerkus Syomini bu uğursuz nəticələrə görə istefaya göndərməyəcəklərini bəyan edib: "Klub rəhbərliyi yaxın vaxtda baş məşqçini dəyişməyi planlaşdırmır. İlk dəfə bunu eşidirəm ki, yeni baş məşqçi gətirmək planımız var. Oleq Kononov yaxşı mütəxəssisdir. Ancaq mən dəfələrlə bidlirmişəm ki, "Lokomotiv" rəhbərliyi Yuri Syominə tam etimad göstərir".
Xatırladaq ki, turnir cədvəlində 13-cü yerdə gedən "Lokomotiv" cari çempionatda yeganə qələbəsini avqustun 26-da baş məşqçi postuna dönən Syominin rəhbərliyi altında səfərdə "Krasnodar" üzərində 2:1 hesabı ilə qazanıb.
