"Qarabağ"a transferim mənim üçün xoş oldu". Sportnet.az-ın məlumatına görə, bu sözləri "Qarabağ"ın yeni transferi Emil Balayev klubunun rəsmi saytına açıqlamasında bildirib. Ağdam təmsilçisi azad agent statusu daşıyan 22 yaşlı əlcək sahibi ilə 1 illik müqavilə imzalayıb.
Balayev son klubu Almaniya "Ayntraxt"ından (2014-16) ayrıldıqdan sonra "Qarabağ"ın düşərgəsində məşq edib: "İlk olaraq baş məşqçi Qurban Qurbanov və klub rəhbərliyinə mənə inandıqlarına görə təşəkkürümü bildirirəm. Çalışacağam ki, bu etimadı doğruldum. Klubsuz qaldığım müddətdə də mənə bu komandada məşq etməyə icazə verdilər. Belə səviyyəli komandayla məşq etmək mənə çox şey öyrətdi. Çalışacağam, oyun praktikamı artıraraq gələcəkdə komandama kömək edim".
