Portuqaliya yığmasının futbolçusu Kriştianu Ronaldu Avropada bütün dövrlərin ən yaxşı bombardirləri siyahısında 6-cı pilləyə yüksəlib. Sportnet.az-ın məlumatına görə, hücumçu buna 2018-ci il dünya çempionatının seçmə qrup mərhələsində Andorraya qarşı keçirilmiş oyunda bir qol vurmaqla nail olub.
Ronaldu göstəricisini 135 oyunda 66 topa çatdırıb.
Siyahıya 89 dəfə millinin formasını geyinən və 84 qol vuran Macarıstan yığmasının sabiq üzvü Ferents Puşkaş başçılıq edir. İkinci pillədə də Macarıstanın sabiq futbolçusu dayanıb. Şandor Koçiş 68 oyunda 75 dəfə fərqlənib. İlk üçlüyü isə almaniyalı Miroslav Kloza qapayır - 137 oyun, 71 qol. Daha bir almaniyalı futbolçu Qerd Müller 62 oyunda 68 qol vuraraq 4-cü, irlandiyalı Robbi Kin isə 146 oyunda 68 qol vuraraq 5-ci pillədə yer alıb. İsveç yığmasının üzvü Zlatan İbrahimoviç isə 135 oyunda 66 qol vurub. Bu göstərici ilə İbra 7-ci pillədə yer alıb.
