"Neftçi” Azərbaycan Premyer Liqasının VIII turu çərçivəsində qarşılaşacağı "Zirə” klubu ilə oyunun hazırlığını davam etdirir. Sportnet.az-ın məlumatına görə, komanda millinin düşərgəsindən qayıtmış baş məşqçi Elxan Abdullayevin rəhbərliyi altında İsmət Qayıbov adına təlim-məşq bazasında məşq keçib. Millidə olan yarımmüdafiəçilər Araz Adullayevlə Rəhman Hacıyev də hazırlıqda iştirak edirlər.
Xatırladaq ki, oktyabrın 16-da Zirə İdman Kompleksinin stadionunda keçiriləcək "Zirə” – "Neftçi” oyunu saat 18:30-da başlanacaq.
