"Barselona"nın argentinalı futbolçusu Lionel Messi növbəti rekorda imza atıb. Sportnet.az-ın məlumatına görə, 29 yaşlı hücumçunun budəfəki göstəricisi İspaniya Primerosunda ev oyunları ilə bağlıdır.
Belə ki, zədədən sonra yaşıl meydana dönüşünü "Deportivo" ilə öz meydanındakı matçda (4:0) qolla qeyd edən Messi çemponatda "Nou Kamp"da 180-ci dəfə fərqlənib. Bunadək evdə ən çox qol vuran "Atletik"in əfsanəsi Telmo Sarra idi - 179 qol. Messi 2014-cü ilin noyabrında onun başqa rekordunu qırmışdı. Bu da İspaniya La Liqasında vurulan qollarla (251) bağlı idi.
Evdə fərqlənməyə görə 3-cü pillədə 151 qolla "Real"ın sabiq ulduzu Alfredo Du Stefano durur. Ancaq komandanın portuqaliyalı hücumçusu Kriştianu Ronaldunu "Santyaqu Bernabeu"da 150 dəfə fərqləndiyini nəzərə alsaq, yaxın vaxtlarda onu keçməlidir.
Ou da bildirək ki, "Deportivo" ilə oyunda son nöqtəni qoyan Messi İspaniya çempinatında eyni zamanda ən yaxşı assistent olub.
