"Qarabağ"ın Avropa Liqasının qrup mərhələsində rəqibi "Fiorentina" İtaliya A seriyasında növbəti oyununu keçirib. Sportnet.az-ın məlumatına görə, Florensiya təmsilçisi 8-ci turda bu gün "Atalanta"nı qəbul edib. Matç qolsuz bərabərliklə başa çatıb. "Fiorentina" 9 xalla turnir cədvəlində 13-cü pillədə gedir.
Xatırladaq ki, Ağdam təmsilçisinin qrupda digər rəqibi Çexiyanın "Slovan" klubu da bu turda qolsuz bərabərliyə qalıb.
